Кимих двапати го молел Горецка да шутира пенал против Парагвај, но тој одбил
Германија загуби од Парагвај по пенал-серија и ја заврши својата приказна на Мундијалот 2026. Според извештај на „Билд“, пренесен од „MiaSanMia“, Германија имала сериозни проблеми да одреди кој ќе го изведе следниот пенал кога резултатот во пенал-серијата беше 3-3.
Препорачано
At 3-3 in the penalty shootout after Manuel Neuer’s save, there were difficulties to find a sixth taker. Leon Goretzka, Waldemar Anton, Nathaniel Brown and Malick Thiaw hesitated and dodged the challenge due to the immense pressure. Jonathan Tah, who had never taken a penalty in… pic.twitter.com/9WiYFafwQk
— Bayern & Germany (@iMiaSanMia) June 30, 2026
Во моментите кога повеќе играчи се двоумеле, стоперот на Германија и Баерн, Јонатан Тах, ја презеде одговорноста. Но, сепак, Тах промаши.
„При резултат 3-3 во пенал-серијата, по одбраната на Мануел Нојер, настанале потешкотии да се пронајде шестиот изведувач. Леон Горецка, Валдемар Антон, Натаниел Браун и Малик Тијау се двоумеле и ја избегнувале одговорноста поради огромниот притисок. Јонатан Тах, кој никогаш претходно во кариерата не извел пенал, се пријавил и промаши.“
Извештајот додава дека Јошуа Кимих двапати му пришол на Горецка и го убедувал да го изведе пеналот, но играчот од средниот ред одбил.
Изведувањето пенали на големи натпреварувања секогаш носи огромен притисок, а ситуацијата со Леон Горецка повторно го отвори прашањето: кој треба да ја преземе одговорноста во клучни моменти? Случајот со германскиот репрезентативец покажува дека не е секогаш пресудна техничката умешност, туку менталната цврстина и самодовербата.
Ако играчот не се чувствува сигурен, ризикот од промашување драстично се зголемува, без разлика дали станува збор за Горецка или за некој друг. Не станува збор за индивидуална вина, туку за колективен проблем. Пеналите се психолошка битка, а не само техничка дисциплина.
Многумина ќе го осудат Горецка, но од негова перспектива, одлуката е тешка: цела Германија би очекувала да постигне гол, но ако промаши ќе биде преплавен со критики и навреди, особено во ерата на социјалните мрежи.
Сите спортисти не се создадени за вакви моменти. За да се издржи притисокот во такви ситуации, потребна е исклучителна ментална сила и подготвеност да се преземе одговорноста. Ако тоа недостасува, подобро е шансата да ја добие некој друг.
