Македонскиот репрезентативец Ненад Димитријевиќ и официјално се раздели со Баерн Минхен, кој преку социјалните мрежи му се заблагодари за придонесот.

„Ти благодариме, Нено“, објави Баерн, откривајќи дека македонскиот плејмејкер кариерата ќе ја продолжи во Грција.

Димитријевиќ во Баерн пристигна во јануари како позајмен кошаркар од Зенит Санкт Петербург и остави добар впечаток со настапите во Евролигата и германското првенство.

Кариерата ќе ја продолжи во редовите на грчки Арис, каде што, според најавите, ќе потпише двегодишен договор и ќе започне ново поглавје во својата кариера.