Вечерва во 20 часот на јутјуб каналот на „Слободен печат“ се емитува поткастот „Со Ана на ТИ“, каде гостува Лазар Христов, млад, но впечатливо присутен актер на македонската сцена. Лазар не само што го живее театарот, тој го носи со себе, и во гласот, и во ставот, и во секој одговор.

Има само 27 години, а зборува како некој што веќе поминал неколку животи низ сцената.
Лазар Христов не е само млад актер, тој е доказ дека талентот, кога ќе се сретне со искреност и посветеност, почнува да зборува гласно уште од самиот почеток.

Во новата епизода на нашиот поткаст, разговараме за неговото детство, деновите на ФДУ, првите чекори на сцената, за глумата како дел од неговиот живот, за процесот зад улогите но и за тоа како се носи младоста со театарска зрелост и за сето она што ја прави уметноста вистинска само кога е искрена.