Португалија на ЕП, Србија ќе мора преку бараж! (ВИДЕО) – Слободен печат
СпортФудбал

Португалија на ЕП, Србија ќе мора преку бараж! (ВИДЕО)

Србите не успеаја преку квалификациите да обезбедат настап на ЕУРО, но нова шанса ќе имаат во „Лигата на нации“.

Завршија квалификациите во групата „Б“ за пласман на Европското првенство 2020 година, претходно Украина веќе го обезбеди првото место, денеска се водеше борбата за втората позиција.

Србија мораше да триумфира над Украинците, но истовремено и да не освои три бода Португалија на гостувањето во Луксембург, но тоа не се случи.

Србите двапати водеа на стадионот во Белград преку Тадиќ и Митровиќ, но гостите не дозволија да бидат поразени благодарение на Јаремчук и Бесједин (2:2).

Португалците не дозволија никакво изненадување и ја оправдаа фаворитската улога против Луксембург (0:2). Трите бода за тимот на Сантош ги обезбедија Фернандеш во 39. и Роналдо во 86. минута од средбата.

На конечната табела Украина го освои првото место со 20 бодови и без ниту еден пораз, а втората позиција ја обезбеди Португалија со 17 бодови. На третото место заврши Србија со 14, следува Луксембург со четири, а на дното Литванија (еден).

Србите имаат уште една шанса да се најдат на континенталниот собир, и тоа преку баражот во „Лигата на нации“. Таму го освоија првото место групата 4 од Лигата „Ц“. Потребни им се уште две победи, во полуфиналето ќе ги одмерат силите со Норвешка, а во втората полуфинална битка се Шкотска и Бугарија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close