Поради една фотографија на Инстаграм Викторија Бекам стана лоша мајка
Викторија Бекам е синоним за успех. Модната дизајнерка која успеа да изгради вистинско модно царство веќе две децении е во брак со фудбалската ѕвезда Дејвид Бекам и заедно имаат четири деца – синовите Бруклин (20), Ромео (16), Круз (14) и ќеркичката Харпер (7).
Сепак една фотографија која 44-годишната дизајнерка ја објави на својот Инстаграм предизвика бројни критики од фановите.
– Харпер се подготвува за Велигден – напиша Викторија под неодоливата фотографија со нејзината ќерка со малото зајче за Велигден, но следеа бројни огорчени коментари, меѓу кои некои за Викторија кажаа дека е лоша мајка.
„Не поттикнувајте дарување зајаци за Велигден, премногу тажни приказни ќе има на крајот“, „Се прашувам што ќе се случи со кутрото зајаче по Велигден?“, „Одвратно, дали ќе заврши во тенџере?“, „Лоша фотографија и лош пример“, се некои од коментарите на огорчените следбеници.
Љубителите на животните се загрижени за пилињата, патчињата и зајачињата што родителите им ги подаруваат на своите деца овие денови и се прашуваат што ќе биде со животното кога Велигден ќе заврши.
