Автобус кој превезувал ученици од училишна екскурзија бил сопрен и одземен од страна на полицијата на автопатот Велес–Скопје, откако биле пријавени сериозни дефекти во текот на патувањето.

„На 08.05.2026 во 22:50 часот на наплатната станица „Отовица“, кога полициски службеници од СВР Велес запреле автобус „сетра“ со скопски регистарски таблички, управуван од 43-годишен возач од Скопје. Според пријавата што претходно пристигнала од родител, автобусот повеќепати се расипувал за време на патувањето, што предизвикало сомнежи за неговата техничка исправност и безбедноста на учениците“ соопшти МВР.

По интервенцијата на полицијата, автобусот бил веднаш одземен и испратен на вонреден технички преглед за да се утврди неговата исправност.

Сите ученици биле безбедно префрлени во друг автобус и успешно транспортирани до нивната крајна дестинација во Скопје, без пријавени повреди или инциденти.

Од надлежните служби е најавено дека по завршување на техничката проверка и целосната истрага ќе бидат поднесени соодветни пријави против одговорните лица.

20-годишна Турчинка е пронајдена мртва во стан во Штип