На почетокот на мај минатата година, Бен Афлек и Џенифер Лопез ги воодушевија своите обожаватели со обновувањето на нивната романса. Двојката реши по дваесет долги години разделба, да си дадат уште една шанса, а се чини дека веќе се подготвени за нов чекор во врската.

Светските медиуми пишуваат дека Бен Афлек и Џенифер Лопез новата импресивна вила на Бел Ер, Канзас ја купиле за неверојатни 50 милиони долари.

Актерско-музичката двојка се одлучила за имот од дури 1.800 метри квадратни, кој вклучува десет спални соби и дури седумнаесет бањи.

Во идниот дом кој го одзема здивот има и домашно кино, теретана, неколку кујни, огромен базен и дел за персоналот. Архитектонски посебен е и самиот пристап до куќата кој е изградена во кружен модел и делува како сите вили од холивудските филмови на богатите и престижни американски семејства. Внатрешноста на вилата била со класичен и многу луксузен тон, со многу златни, беж нијанси, кадифе и масивно дрво.

Како што пишуваат американските медиуми, Бен и Џенифер од минатото лето го бараат својот заеднички дом, а се чини дека во оваа убавица нашле се што им е потребно за мирен и семеен живот.

Да потсетиме, Лопез има близнаци со поранешниот сопруг Марк Ентони, а Афлек од бракот со актерката Џенифер Гарнер има три деца.