Почна поставувањето топловодни пумпи во клонот „Панорама“ од градинката „Кочо Рацин“

Детска градинка / Фото: МИА

Во клонот Панорама од градинката „Кочо Рацин“ денеска почна монтирањето на топловодните пумпи кои треба да ги заменат досегашните котли на мазут и нафта за загревање.

– Оваа градинка досега се грееше со користење на мазут, односно нафта и претставуваше еден од изворите за загадување. Веќе тоа е минато во оваа градинка и е последен објект кој Општина Центар го прилагодува на еколошки начини на загревање и разладување, рече денеска при посетата на градинката градоначалникот на Општина Центар Саша Богдановиќ.

Со овие топловодни пумпи, како што посочи тој, значително ќе заштедат финансии кои се користеле при загревање или ладење на самиот објект и воедно ќе се придонесе преку природни начини да се избегне загадувањето на животната средина.

– Многу сум среќен што ова е прв објект и во нашата општина, во нашиот град и во нашата држава кој ќе ги користи овој начин на загревање преку користење на топловодните пумпи. Со ова покажуваме на кој начин се грижиме пред се за децата кои доаѓаат во детските градинки, но и како се грижиме за животната средина за која секој ден треба да придонесуваме, бидејќи на крајот сите ние сакаме да имаме убав и здрав нормален живот, посочи Богдановиќ.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот