Во 66-та година од животот почина Рајко Дујмиќ, водачот на „Нови фосили“. Дујмиќ по тешката сообраќајна незгода заврши во индуцирана кома. Докторите се бореле за неговиот живот, но не успеале да го спасат.

Рајко слетал во провалија длабока 11 метри. Се отвориле воздушните перничиња, но му биле скршени две ребра, а добил и силен удар во главата.

Рајко Дујмиќ од „Нови фосили“ доживеал тешка сообраќајна незгода, има тешки повреди на главата

Роден е на 7 август 1954 година.

Како член на групата „Нови фосили“ во 1987 година ја напишал песната „Ja sam za ples“ и во Брисел го освоија високото четврто место.

Ја напишал и музиката за песната „Rock Me“, која во 1989 година ја освои публиката во Лозана, а со оваа песна за првпат во историјата на Евровизија Југославија беше победничка на Евросонг.

„Не сум елоквентен, не знам да се умилкувам, не знам да се преправам. Единствено место на светот каде што можам да се скријам од сите грубости, неправди и глупости е музиката“, рече пред една година Дујмиќ во разговор за 24Сата.