Почина познатата актерка Оливија Њутн-Џон

Оливија Њутн-Џон/ Twitter

Оливија Њутн-Џон почина денеска на 73-годишна возраст по долгогодишна борба со ракот на дојката.

Актерката утрово починала на својот ранч во Јужна Калифорнија, опкружена со семејството и пријателите, пишува „Дејли Мејл“.

Нејзиниот сопруг Џон Истерлинг ја објави нејзината смрт на неговата Фејсбук страница.

– Оливија е симбол на триумф и надеж повеќе од 30 години во нејзиното патување со ракот на дојката. Нејзината исцелителна инспирација и пионерско искуство со хербалната медицина продолжува со Фондацијата Оливија Њутн-Џон, посветена на хербалната медицина и истражувањето на ракот, додал сопругот.

Оливија е родена на 26 септември 1948 година во Велика Британија и беше австралиска пејачка, текстописец, актерка, претприемач и активист. Таа е четирикратен добитник на Греми наградата, чија музичка кариера вклучува пет хитови број еден и уште десет топ 10 хитови на „Billboard Hot 100“.

Најпозната е по улогата на Сенди Олсон во филмот „Брилијантин“, каде глумеше со Џон Траволта, а беше и страстен борец за зачувување на животната средина и правата на животните.

Видео на денот