Почина Михаил Горбачов, последниот претседател на Советскиот сојуз
Последниот претседател на Советскиот Сојуз, Михаил Горбачов, почина на 92-годишна возраст, јавија вечерва руските медиуми.
Веста ја потврдиле лекарите во Централната клиничка болница во Москва, јавува РИА Новости.
„Михаил Сергеевич Горбачов почина вечерва по тешко и долго боледување“, пренесе ТАСС.
Во јуни, портпаролот на Фондацијата Горбачов, Владимир Полјаков, изјави дека Горбачов боледува од бубрежна болест и дека е на третман, вклучително и хемодијализа. Влошеното здравје на 91-годишниот поранешен претседател на СССР тој го поврза и со возраста.
Горбачов го водеше СССР од 1985 година до неговиот распад во 1991 година, а остана запаметен по неговата програма „перестројка“ (преустројување), која преку низа економски и политички реформи го започна крајот на комунизмот во Русија и беше предвесник на паѓањето на „железната завеса“ и крајот на Студената војна.