Почина ѕвездата од детските натпревари за убавина, имаше само 16 години
Почина Кајлиа Пози, ѕвездата од реалното шоу „Toddlers & Tiaras“, која имаше само 16 години.
Веста за нејзината смрт ја потврди нејзината мајка Мерси Пози Гетерман.
„Без зборови и мисли сум. Прекрасното девојче замина. Ве молам дајте ни приватност додека ја оплакуваме загубата на Кајлиа. Моето бебе засекогаш“, напиша таа на Фејсбук.
Причината за смртта засега не е позната.
Пози беше млада ѕвезда во реалното шоу кое траеше од 2009 до 2013 година и ги претставуваше семејствата кои ги подготвуваа своите деца за натпревар на изборите за убавина.
Шоуто често беше на мета на критики бидејќи многумина сметаа дека е непримерно децата да се прикажуваат така и да им се всадуваат погрешни морални вредности.
View this post on Instagram