Арсенал веќе петти натпревар по ред не знае за триумф во Премиер лигата, изминатиот викенд фудбалерите на менаџерот Унаи Емери одиграа само реми против Саутемптон (2:2).

Британските медиуми пренесуваат информации за огромното незадоволство кое владее кај навивачи, но и кај дел од играчите кои одржале тимски состанок без својот менаџер.

Се шпекулира дека судбината на Емери во Арсенал ќе зависи од наредните неколку натпревари, а во наредниот период за противници ќе ги имаат Франкфурт, потоа Норич, Вест Хем и Брајтон.

Како наследници за клупата на лондонскиот клуб се одвојувааат имињата на Микел Артета и Масимилијано Алегри.

Унаи Емери во клубот од Лондон дојде пред две сезони, а досега освен финалето во Лига Европа во кое загуби од Челзи, немаше други забележителни резултати.