Во градот поради заложниката криза пристигнаа оклопни возила, а на самото место беа повеќе припадници на полицијата и специјалните единици кои се обидуваа да го смират напаѓачот. Како што пренесуваат медиумите, полицајците во тој момент се обиделе да му пријдат на автобусот, но киднаперот припукал.

Министерот за внатрешни работи Арсен Аваков претходно рекол дека успеале да контактираат со Максим и дека преговорите се во тек. Напаѓачот дури после 9 часа дозволи на заложниците да им се донесе вода, а на самото место биле и припадниците на антитерористичките единици.

Пред нападот, Максим наводно украл икони  и крстови од локалната парохија на православната црква.

Се заканувал дека сите ќе ги крене во воздух

Максим, кој бил вооружен, се заканувал дека ќе го разнесе автобусот, а исто така тврдел дека поставил експлозив во градот и дека ќе го активира со далечински управувач.

Како што наведуваат медиумите, една жена која била заложник, успеала утротво во 9.30 часот да ѝ се јави на пријателката и со плачлив глас од неа побарала да ги повика новинарите зошто терорист грабнал автобус во кој се наоѓа и таа и сакал да го крене во воздух.

Како што пренесуваат украинските медиуми, тој на почетокот одбивал да разговара со полицијата и единствено сакал со новинарите, на кои им открил дека држи трудница и деца. Тогаш рекол дека бара целосно внимание и сите камери да бидат вперени во него.

На плоштадот, каде запрел автобусот од утрово одекнуваа истрели. Напаѓачот повеќе пати отвори оган врз полицијата и фрли граната која за среќа не експлодираше.

#Ukraine An armed man on Tuesday seized a bus with around 20 hostages in the northwestern Ukrainian city of Lutsk, the regional police department said. #EXCLUSIVE pic.twitter.com/mpzAgGMZLp

— Utkarsh Singh (@utkarshs88) July 21, 2020

Бил во затвор поради грабежи, бара властите себеси да се прогласат за терористи

Степанович, кој оред нападот на ЈѕТјуб објави снимка во која порачува: „Среќен антисистемски ден, немојте да се лажете, славете ја вистината!“, наводно напишал и автобиографија, во која го опишал своето тешко растење.

Осомничениот Максим е автор на книгата „Психологија на криминалците“ во која главниот лик заминува во затвор на 18 години и таму поминува 6 години. Во книгата е опишано како растел во селско семејство со десет деца, и дека постојано се селел и растел дури во 13 села. Родителите му биле учители, но тој на 17 години одлучил вооружен да оди во Одеса и таму да стане водач на криминална група… Така и завршил зад решетки.

Властите тогаш потврдија дека вистинскиот идентитет на напаѓачот е Максим Кривош Степанович (45), кој е роден во Русија, но поседува украинско државјанство.

Подоцна попладнево на социјалните мрежи се појавија неговите барања. Барал украинските судови, министерства, обвинители, пратеници и црквата јавно да објавата дека се терористи.

-Властите секогаш биле „вистински терористи“. Вистината од вашите усти ќе спаси стотина животи, наведе Плохим.

Набрзо потоа Твитер и ЈуТјуб ги суспендираа налозите на напаѓачот.

Ескалираше заложничката драма во Луцк: Се слушнаа експлозии, полицијата преговара со грабнувачот (ВИДЕО)