Денеска во 12 коло од Првата македонска фудбалска лига екипата на Вардар триумфираше со 2:1 денеска против битолски Пелистер.

Немаше погодоци во првото полувреме, а во 54 минута скопските „црвено-црни“ први дојдоа во предност со голот на интернационалецот од Уганда, Мато.

Кратко траеше радоста на гостите бидејќи Пелистер успеа да дојде до израмнување во 60 минута преку Петковски.

Во 83 минута беше поставен конечниот епилог, Вардар дојде до бодовите благодарение на Босанецот Закариќ кој беше прецизен од белата точка.

Вардар останува единствениот во шампионатот без пораз, се наоѓа на првото место на табелата со 30 бодови.

Пелистер кој го претрпе и осмиот пораз сезонава, ја зазема 10 позиција со осум бодови.

Во следното коло Вардар на 9 ноември ќе го пречека Тиквеш, а истиот ден Пелистер е домаќин на Брера Струмица.