19.8 C
Скопје

Плеј-офот се поблиску, втора победа на Е. Пелистер над Татабања

Ракометарите на Еурофарм Пелистер ја остварија втората победа во вториот натпревар против Татабања во Лигата на Европа, овој пат со 24:21. Со оваа победа, пласманот во плеј-офот е се поблиску, пелистерци се зацврстија на третото место во групата Д со седум бода.

Натпреварот имаше идентичен тек како тој од вчера, само што овој пат унгарскиот тим го диктираше ритамот и го контролираше резултатот 50-тина минути по што работите во свои раце ги презедоа битолчани.

Татабања подобро го започна натпреварот поведе со 0:2, а потоа и со 1:5 по првите 10 минути. Пелистерци вториот гол го постигнаа воо 12. минута преку Мандалиниќ по што избраниците на тренерот Жељко Бабиќ од минута во минура заиграа подобро и до крајот на полувремето заминаа со негатива од два гола 9:11.
Во второто полувреме, ракометарите на Жељко Бабиќ полека почнаа да ги преземаа работите во свои раце и во 38. минута дојдоа до израмнување 14:14 по што следеше период во кој се играше гол за гол.
Сепак, во последните 15. минути се разбрани Карим Хендави, а неговите интервенции знаеја да ги наградат соиграчите и во 53. минута Е. Пелистер дојде до првото водство на натпреварот од 20:19. Унгарците возвратија преку Хорњак, но потоа следеше серија од 3:0 со головите на Мандалиниќ, Мараш и Граџан и тоа по заслуга на голманот Хендави, со што беа решени дилемите околу победникот.

фото: РК Еурофарм Пелистер

Хендави во вториот натпревар за Е. Пелистер покажа дека ќе претставува фантастично засилување и имаше девет интервенции кои ги оствари во второто полувреме, а во нападот вообичаено прво име беше Стипе Мандалиниќ со девет постигнати голови. Во редовите на Татабања, Габор Анчин и Матјаш Ѓиори постигна по четири гола.

Следниот предизвик за Е. Пелистер ќе биде натпреварот против ГОГ Гудме кој за пет дена ќе се игра во салата „Боро Чурлевски“ во Битола.

Поврзани вести

Франција има една победа на ЕП, но и натаму е најголем фаворит за шампионската титула!

Слободен печат

Класика на „Вембли“: Ги дознавме сите осминафинални двојки на Европското првенство!

Слободен печат

ВИДЕО: Германија „преживеа“ во Минхен, Роналдо е синоним за рекорди!

Слободен печат

Клуб од шпанската „Ла Лига“ со интерес за Дарко Велковски!?

Слободен печат

Ја победија само Македонија – Украинците се најголемите „среќници“ на Евро 2020!

Слободен печат

ВИДЕО: Ѓоковиќ „гази“ и во двојки, крај за првите носители на турнирот во Мајорка!

Слободен печат

Остави Коментар