Началникот на Главниот штаб на вооружените сили на Хрватска, Мирко Шундов, по аферата во врска со превоз на шверцери со оружје во воен хеликоптер, ја потврдил новата спорна ситуација.

Како што пренесува „Индекс“, Шундов објавил дека овие денови биле соочени со несоодветно однесување на тројца членови на вооружените сили во Австрија, кои биле веднаш повлечени во Хрватска.

Припадниците на хрватските вооружени сили без дозвола консумирале алкохол и поради тоа веднаш биле вратени од Австрија.

– Хрватската војска не ги крие информациите од јавноста, постои процедура кога може да се комуницира со јавноста. Извлековме поуки и научивме неколку лекции – изјавил Шундов и додал дека во војската постои нулта толеранција за алкохол, пренесува Дневник.хр.