Многу е важно кога човек се подготвува да си легне, да следи некакви мали ритуали или барем да се води од неколку битни работи за да биде спокоен и да има долг и убав сон.
Често сме „заморени“ од секојдневно типкање по телефоните и екранот ни зрачи и долго во ноќта – признајте дека некогаш почесто сте со телефонот во креветот, одошто со перницата.

Затоа ви предлагаме пет навики што можете да ги поврзувате со ритуалот пред спиење.

Удобни пижами

Зар е потребно да објаснуваме што значи удобна пижама или распар тренерка/широка маичка? Важно е да си легнете чисти и во најмеките алишта за спиење.

Ритуалот за чистење лице/заби да е направен

Верувајте дека измиено лице и исчеткани заби се во голема мера важни за мирен сон.

Исклучен телефон

Тргнете го телефонот од вашиот кревет и оставете го само алармот вклучен. Не типкајте доцна во ноќта и не се „заразувајте“ со скролање. Препорачано е еден час пред легнување, воопшто да немате конзумирано храна, ниту пак да сте биле онлајн. Така мозокот ви е олабавен и полесно ќе заспиете.

Соодветна перница

Добра перница е половина здравје. Ако сте немирен спијач или не трпите перници, тогаш бидете свесни дека важен дел од спиењето е добар и рамен душек и соодветна подлога.

Смирувачки книги/чај

Пред спиење, за полесен сон се препорачуваат чај од маточина или камилица, а книгата е по ваш избор – секако е подобро да читате нешто релаксирачко и да заспиете полесно