Перишиќ: Меси сака светска титула? Сакаме и ние…
Репрезентацијата на Хрватска повторно ги надмина очекувањата од спортската јавност и ќе игра ново мунфијалско полуфинале.
Селекцијата предводена од Златко Далиќ одигра добар натпревар против фаворизираниот Бразил и дојде до место помеѓу најдобрите четири. Сега ги чека нов јужноамерикански предизвик, а во Хрватска се надеваат дека ќе го повторат успехот од Светското првенство во Русија.
За медиумите пред натпреварот зборуваше фудбалерот на Тотенхем, Иван Перишиќ. Перишиќ истакна дека како и Меси и тие ја посакуваат светската титула.
„Навистина е прекрасно чуството да играте второ полуфинале во низа, но ние сакаме да имаме и второ финале. Очекувам сличен натпревар како против Англија пред четири години. Тогаш Англија имаше добар тим, сега има и Аргентина. Мораме да бидеме на нивото како и против Бразил, ако играме така се е можно. Меси сака да ја освои титулата? Па ја сакаме и ние. Сигурно дека затоа ќе бидеме 100% спремни“, изјави Перишиќ.