Денеска се одиграа голем број на натпревари од првото квалификациско коло на Лига Европа, а свое учество имаат и македонските интернационалци во своите клубови.

Претходно објавивме за нашите екипи Шкендија и Ренова кои имаа успешен старт, а елиминиран е составот на Шкупи.

Успешни Шкендија и Ренова во Лига Европа, пораз на Шкупи!

Партизан на теренот во Белград со 1:0 триумфираше наед РФС од Летонија, стрелец во 52 минута беше израелскиот интернационалец Натхо од пенал.

Од нашите фудбалери во странство, Стефан Ашковски го одигра скоро целиот меч во триумфот на Ботошани во Казахстан против Ордабаси (1:2). За романската екипа на клупата за резерви остана Давид Бабунски.

Теута како домаќин со 2:0 го елиминираше израелскиот Беитар Ерусалим, целиот меч за албанскиот клуб го одигра Благоја Тодоровски, а на клупата за резерви остана голманот Боби Целески.

Ѓилани во Приштина е поразен (0:2) од кипарскиот АПОЕЛ, а во редовите на косовската екипа Мухамедин Усеини на теренот беше 77 минути.

МОЛ Фехервар на пенали со 4:2 беше подобар од ирскиот Бохемијанс, а во серијата прецизен за унгарскиот состав беше Бобан Николов кој во игра влезе од 101 минута кога во тек беа продолженијата. После регуларниот дел беше 1:1.