Петнаесетмина жртви на сексуална злоупотреба од страна на католички свештеници во Белгија синоќа имаа средба со папата Лав Четиринаесетти во Ватикан, при што побарале од него разрешување на претседателот на белгиската Бискупска конференција, надбискупот Лук Терлинден.

Состанокот се одвивал „во клима на близина со жртвите, слушање и дијалог“ кои биле и длабоки и болни а завршил со интензивна молитва.

Групата била придружувана од членови на комисијата за заштита на малолетници која продолжува напорно да работи со црквата во Белгија на прашања за подигнување на нивото на безбедност.

Повеќето од оние што оствариле средба со папата претходно се сретнале со него и во Белгија во септември 2024 година. Тогаш на жртвите им била понудена можност да ги споделат своите искуства и надежи во врска со посветеноста на католичката црква да превенира злоупотреби и да ги поддржи жртвите.

Белгија е во голем дел католичка земја, каде Белгиската католичка црква ја тресат серија скандали за злоупотреби во изминатите години.