Децата на вработените во Ватикан може да почнат да се радуваат на летото, да пливаат во базени и да играат тенис во дворот кадешто папата ги одржува своите аудиенции, пишува Ватикањус.

Ватикан организира летен камп наречен „Детско лето во Ватикан“ за деца на возраст од 5 до 14 години.

Понудата е наменета за децата на оние родители кои биле под посебен притисок за време на карантинот, додека училиштата биле затворени, се вели во објавата.

Во кампот, кој ќе се отвори на 1 јули, ќе се одржуваат и часови за духовно поучување под слоганот „Среќа и блаженство“, а тимските спортски натпревари ќе се одржуваат во согласност со посебните правила за физичка дистанца.

Претходните папи жешките летни месеци ги минуваа во папската летна резиденција во Кастел Гандолф во близина на Рим, но папата Франциск за време на летото останува и престојува во Ватинак, а резиденцијата Кастел Гандолф ја претвори во музеј.

Градините на Ватикан се наоѓаат зад високите sидови и се достапни за туристите само со посебна резервација.