Паника во германско основно училиште: Со нож нападнати ученици, повредени две девојчиња
Рано утрово во германско основно училиште во градот Илеркирхберг, јужно од Улм во покраината Баден-Виртемберг, се случи инцидент откако непознат напаѓач нападна ученици со нож.
Неидентификуваниот напаѓач нападнал и тешко повредил две деца во заедницата од 4.700 жители. Сведоците веднаш повикале полиција и итна помош, а болничарите ги префрлиле двете девојчиња за кои се верува дека се на возраст од 13 и 14 години и ги однеле во болница со тешки повреди.
Illerkirchberg: Angriff auf dem Schulweg – Zwei Mädchen schwer verletzt https://t.co/NqFC1vyvh6 pic.twitter.com/RK5R5fUf6K
— WAZ (@WAZ_Redaktion) December 5, 2022
Напаѓачот побегнал во станбена зграда, најверојатно засолниште за бегалци. Сѐ уште не е јасно дали живее таму. Полицијата ја опколила зградата, упаднала во неа и ги уапсила сите станари, вклучително и насилникот. Мотивот на напаѓачот се уште не е познат.
Исто така, не е јасно дали децата и насилникот се познавале бидејќи истрагата е во тек.