Пратеничката од ВМРО-ДПМНЕ, Ели Панова вечерва во „Само вистина“ се осврна на интерпелацијата на министерот за внатрешни работи Панче Тошковски, обвинувајќи ја СДСМ за лицемерство со поддршката на интерпелацијата поднесена од Левица.

Панова вели таа поддршка била неоправдана бидејќи Левица уште првиот ден обвинувала за селективност при истрагата, а потпретседателката на СДСМ веднаш потоа одржа прес-конференција. Панова тврди СДСМ и Левица воопшто не оставиле простор на институциите иако ваква транспарентност до сега во Македонија не се случила, особено од страна на министер за внатрешни работи.

„Беше лицемерно тоа што од една страна седеше Оливер Спасовски, во првиот ред, како координатор на пратеничката група на СДСМ и гласаше за интерпелацијата на Панче Тошковски, а во исто време Панче Тошковски во врска со овој трагичен настан поднел пет кривични пријави од страна на МВР. Со сработени докази, сето тоа што бара самата процедура во МВР, додека во претходните трагедии кои што и се случија на Република Македонија, во времето на владеењето на СДСМ и ДУИ, Оливер Спасовски не поднел ниту една“, рече Панова.