ОВАА ЗЕМЈА БАНКРОТИРАШЕ: Економската криза почна пред 18 месеци, а сега не може да ги подмири основните финансиски обврски
Аргентина не може да ги подмири своите финансиски обврски, утврдил претседателот Алберто Фернандез, споредувајќи ја ситуацијата со кризата кон почетокот на векот, најлошата во поновата историја на земјата.
Аргентина е во рецесија – се очекува оваа година економијата да забележи пад од 3,1 отсто.
Економската криза трае веќе 18 месеци, а ескалираше со наглиот пад на вредноста на пезосот, пренесува агенцијата АФП.
– Ситуацијата не е идентична како во 2001 година, но е слична. Тогаш 57 отсто од населението се водеше како сиромашно, а денеска тој процент е 41. Ситуацијата и сега е лоша, денеска не можеме да ги подмириме своите долгови – рекол новиот аргентински претседател.
Шпеклациите за несолвентноста на земјата, Фернандез ги претставил кон крајот на август, уште кога бил претседателски кандидат.
Новиот план на владата за реконструкција на краткорочниот долг, покажал дека земјата не е солвентна поради кризата поради која нема побарувачка во приватниот сектор за државните обврзници, појаснил тогаш Фернандез.
– Никој не го купува аргентинскиот државен долг, а никој не може ниту да го врати – изјавил тој.
Минатата сабота Фернандез добил политичка поддршка од Конгресот, преку усвојување на закон за вонредни економски мерки кои денеска стапуваат на сила.
– Мораме да ја завршиме праксата на штедење во долари – изјавил аргентинскиот претседател, мислејќи на навиката на Аргентинците да купуваат долари за да се заштитат од падот на вредноста на пезосот.
Аргентина има годишна инфлација од 55 осто и долг од речиси 90 отсто на бруто домашниот производ, пренесува АФП.