Првата дама на Франција, Брижит Макрон, на почетокот на овој месец во Елисејската палата беше домаќинка на сопругата на аргентинскиот претседател Фабиол Јанез.

Избраничката на Емануел Макрон за оваа прилика одбра повеќе од интересна модна комбинација, со која успеа да разбие неколку табуа.

Првото изненадување кое првата дама на Франција им го приреди на обожавателите на нејзиниот стил е тоа што одбра фустан и капут во идентична боја, а следното е нијансата што ја избрала.

Се работи за ефектната виолетова боја, која остава силен впечаток, а овој несекојдневен комплет е со потпис на „Луј Витон“, една од модните куќи чии модели Брижит Макрон претпочита да ги носи.

Другото изненадување е одлуката на Брижит Макрон, која и покрај тоа што е февруари, решила да не облече хулахопки.

Голи нозе, мини-фустан, впечатлива боја… Сето тоа е нешто што многу жени не би се осмелиле или не би знаеле да го носат, но се работи за секогаш храбрата и самоуверена Брижит Макрон.