ОТКРИЕНО каде Исус се појавил првпат после распнувањето
Археолозите во Израел пронашле древнa тврдина која би можела да помогне во идентификација на градот Емаус, каде, според Новиот завет Исус прв пат се појавил после распнувањето и воскреснувањето.
Тим на француско-израелски археолози откриле древна хеленистичка тврдина во близина на Ерусалим, стара околу 2.200 години. Локалитетот веројатно бил изграден од генералот Бакуидес.
Од 2017 година, археолозите вршат ископување во Куириат-Јеарим, брдо што се наоѓа над Ерусалим, кое е неколку километри западно од градот, покрај градот Абу Гош. Во последните неколку месеци, научниците пронашле тврдина со ѕидови високи до три метри, како и остатоци од кули.
Куириат-Јеарим не се наоѓа во историските извештаи во кои детално се наведува списокот на тврдини кои се подигнати од Бакуидес, бар не под ова име. Меѓутоа, тие вклучуваат и неидентификувано место, кое се наоѓа некаде западно од Ерусалим.
Бидејќи нема други познати важни хеленистички тврдини западно од Ерусалим, археолозите предложиле брдото Куириат-Јеарим и градот Абу Гош да бидат идентифицирани како градот Емаус, создаден од Бакуидес.
„Авторите на истражувањето имаат добра археолошка, географска и топографска положба. Сепак, тоа и понатаму останува само хипотеза“, вели Бенџамин Исак, професор за древна историја на Универзитетот во Тел Авив.