Познатиот музичар Елтон Џон (72) ќе земе дополнителни денови одмор по препорака на докторот, пред да ги одржи своите два преостанати концерти во Нов Зеланд – беше соопштено во понеделникот на 17 февруари.

Организаторите се огласија откако пејачот во неделата го прекина својот концерт и ја напушти сцената во солзи, бидејќи во еден момент му „пукна“ гласот.

Неговиот тим прво соопшти дека планираните два концерти на Елтон за вторник и четврток ќе бидат откажани, бидејќи во неделата му беше дијагностицирано благо воспаление на белите дробови.

 

View this post on Instagram

 

I want to thank everyone who attended tonight’s gig in Auckland. I was diagnosed with walking pneumonia earlier today, but I was determined to give you the best show humanly possible. I played and sang my heart out, until my voice could sing no more. I’m disappointed, deeply upset and sorry. I gave it all I had. Thank-you so much for your extraordinary support and all the love you showed me during tonight’s performance. I am eternally grateful. Love, Elton xx ? @bengibsonphoto

A post shared by Elton John (@eltonjohn) on Feb 16, 2020 at 1:30am PST

Меѓутоа вчера беше соопштено дека наместо во вторник, концертот ќе се одржи во среда, за да може пејачот да одмори.

По два часа на сцената, Елтон во неделата на својата публика и рече дека потполно го изгубил гласот, а во тој момент се подготвуваше да го испее својот хит „Даниел“.

– Не можам да пејам, рече тој напуштајќи ја сцената со солзи во очите.

Елтон се огласи и на Инстаграм и на своите обожаватели им соопшти дека има дијагностицирано благо воспаление на белите дробови, но и покрај тоа ќе ги одржи закажните концерти.

– Сакам да се се заблагодарам на сите кои присуствуваа на вчерашната свирка во Окланд. Рано денеска ми беше дијагностицирано воспаление на белите дробови, но јас бев одлучен да ви го пружам најдоброто шоу, напиша пејачот на Инстаграм.