Освежува и засладува: Превкусен десерт со јагоди за топлите денови (РЕЦЕПТ)
Колач од 4 јајца. Брзо се подготвува и идеален е за овој период од годината. Се прави со 800 грама јагоди, а готов е за најмногу еден час. Погледнете што ви предложуваме денес.
Потребно е:
За биквитот:
4 јајца
1 прашок за печиво
4 лажици шеќер
4 лажици вода
1 чаша брашно
500 мл масло
За прелевање
100 мл млеко
2 ванилин шеќер
За фил:
800 грама јагоди
250 грама шеќер
2 пудинга од ванила
3 лажици шеќер за пудинг
Шлаг 200 грама
Подготовка:
Измешајте ги јајцата со шеќер, додадете го брашното со прашок за печиво, маслото и 4 лажици вода. Добро измешајте и сипете го во плех обложен со хартија за печење.
Печете на 200 степени околу 20 минути да зарумени. Извадете го печениот бисквит и врел прелијте го со млеко со ванилин шеќер.
Во сад ставете го шеќерот, додадете чаша вода и промешајте, па додадете ги јагодите да се сварат. Во варените јагоди додадете го пудингот и добро измешајте.
Оставете да се олади па истурете го на бисквитот и добро распоредете. Оладете го па одозгора ставете го изматениот шлаг. Добро изладете и уживајте!!!
