Османи: За Теута Арифи никогаш, ама баш никогаш немало агремани за Вашингтон, Брисел и за Анкара

Теута Арифи во утрински брифинг / Фото: ,,Слободен печат'' - Драган Митрески

Никогаш немало испратени агремани Теута Арифи да биде амбасадорка во Вашингтон. За неа немало формализиран предлог за амбасадорка во Брисел и никогаш, ама баш никогаш не бил пратен агреман за Арифи да биде амбасадорка во Анкара. Ова е одговорот на министерот за надворешни работи Бујар Османи на новинарско прашање за новите амбасадори предложени од Владата, а по информациите во дел од медиумите дека Теута Арифи по одбивањето од Вашингтон и од Брисел, не добила виза ни за амбасадорското столче во Анкара, Турција.

– Мислам дека треба да бидеме внимателни, еве денеска е ден на слободата на медиумите, но мора да внимаваме на прашањето за лажните вести, оти на крај жртви на лажните вести се граѓаните. Освен достоинството на луѓето за кои зборуваме непроверено. Никогаш немало предлог за Теута Арифи да биде амбасадорка во Анкара. Немало ни размислување. Вчера не само портали, туку големи медиуми објавија вест за Арифи без да побараат став од МНР. Никогаш немало предлог за Арифи за Вашингтон,  за таа да биде одбиена. За ЕУ немало формализиран предлог за Арифи, имало размислувања, но формален предлог за Брисел за Арифи немало. Ни за Анкара немало агреман за неа. Да внимаваме при споменување на имиња. Не било пратено барање за агреман за било која држава за Теута Арифи – рече Османи.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот