Османи: Државата има потреба од институција за гонење висок криминал
ДУИ на лидерската средба во петок ќе го застапува ставот дека на државата ѝ е потребна институција за борба против корупција на високо ниво во политиката, што, меѓудругото, е и барање на Европската Унија, изјави денеска вицепремиерот за европски прашања, Бујар Османи.
– Демократската унија за интеграција останува на ставот дека Република Северна Македонија има потреба од институција што ќе биде фокусирана на борба против корупцијата на високо ниво во политиката. Тоа е барање на Европската Унија, тоа е барање на граѓаните, и со таков став ќе се претставиме на лидерската средба – изјави Османи.
Вицепремиерот додаде дека ДУИ останува и на иницијативата за воведување ветинг, оценувајќи дека тоа е потребно меѓу граѓаните да се врати довербата во институциите.