Шпанскиот стратег Унаи Емери е нов тренер на Астон Вила која неодамна го отпушти Стивен Џерард.

Англискиот клуб беше во голема криза и го смени Џерард, а Астон Вила без него на клупата го победи Брентфорд со 4:0. Набрзо Вила донесе и одлука за нов стратег и на местото на Џерард дојде Унаи Емери кој во Премиер лигата своевремено го водеше Арсенал.

Емери доби петгодишен договор и ветена му е пристијна сума за трансфери во наредниот период. Во изминатото лето Астон Вила потроши 70 милиони евра на засилувања. Емери имаше прилика и пред една година да се врати во Англија, но тогаш го одби Њукасл и остана во Виљареал.

Во Виљареал испиша историја станувајќи првиот тренер кој со овој клуб ја освои Лигата Европа, а освен тоа направи подвиг стигнувајќи до минатогодишното полуфинале во Лигата на шампионите.