Официјално: Чедомир Јаневски повеќе не е тренер на АЕЛ Лимасол
Искусниот македонски стратег, Чедомир Јаневски повеќе не е тренер на АЕЛ Лимасол.
Утрово кипарскиот клуб на својот официјален сајт ја потврди разделбата со Јаневски Во Кипар Јаневски добро започна, но на последните пет натпревари тимот победи само на еден и една средба одигра нерешено. Во овој момент АЕЛ е деветти со 39 бодови.
Jaневски претходно во кариерата беше тренер на Олимпијакос Никозија, Енозис и Етникос на Кипар, додека беше и во Беверен, Монс, Мускрон, го водеше Вардар во Лигата на Европа, претходно беше назначен за прв тренер на Црвена Звезда, а беше асистент селектор на репрезентацијата на Јужна Африка.
„Раководсвото на АЕЛ изразува благодарност до господинот Јаневски за неговиот придонесе во нашиот тим и му посакуваме успех во понатамошната кариера“, oбјави АЕЛ.