Која фирма и за колку пари ќе увезе 1,2 милиони тони јаглен за ТЕЦ Осломеј и РЕК Битола, најверојатно ќе се знае во четврток. Јавниот повик за набавка зврши на 18 октомври. Од Кабинетот на генералниот директор на АД ЕЛЕМ, за „Слободен печат“, соопштија дека моментално е во тек завршната постапка, а официјализирањето на изборот се очекува за утре.

-Бараната информација ќе може да ја добиете веројатно во текот на утрешниот ден, кога се очекува официјализирање на изборот. Моментално е во тек завршната постапка – соопштија од АД ЕЛЕМ.

Јавниот повик за набавка на јаглен првично требаше да заврши на 13 октомвви, но беше продолжен на барање на странските компании за да ја комплетираат документацијата. Во меѓувреме ќе продолжи засилениот ископ на домашен јаглен, но за да можат во краток рок да се вклучат максималните капацитети на термоелектраните, потребно е да се набави јаглен. Од ЕЛЕМ очекуваат дека постапката успешно ќе се реализира. До првиот рок за достава на понудите, се јавија фирми од Македонија, Грција и Косово. Неофицијалните проценки се дека набавката ќе чини над 50 милиони евра.