Основното јавно обвинителство Скопје спроведува истражна постапка против двајцата осомничени дека учествувале во грабнувањето на внукот на Љубе Бошкоски.

-Тие на 3 март заедно учествувале во дејствија на грабнување на едно лице во Кисела Вода. Осомничените, на возраст од 30 и 25 години, претходно по предлог на Обвинителството, а со решение на Судот беа задржани во краткотраен притвор во траење од два пати по 48 часа со цел обезбедување докази, информираат од Јавното обвинителство.

Од ЈО посочуваат дека постојат околности што укажуваат на опасност од бегство, особени околности кои го оправдуваат стравот дека осомничените ќе се обидат да ги скријат или уништат трагите на кривичното дело, ќе влијаат врз сведоците или ќе го повторат делото, јавниот обвинител до судијата на претходна постапка од Основниот кривичен суд Скопје сега доставил предлог за определување мерка притвор за двајцата осомничени.​

Се бара исчезнато момче од Скопје, братот пријавил во полиција