Неодамна заврши реконструкцијата на спортскиот терен во основното училиште „Димитар Поп Георгиев – Беровски“, каде што е поставена нова тартан подлога на површина од 650 метри квадратни.

Младите се нашиот приоритет! Општината не ги заборава – вложуваме во нивната иднина со модерни, безбедни и инспиративни простори каде што ќе растат, ќе учат и ќе се забавуваат. Ѓорче Петров ја гради иднината на спортот, а со тоа ја гради и иднината на нашите деца – вели градоначалникот на Општина Ѓорче Петров, Александар Стојкоски.

Од Општината информираат дека претходно се реализирани и други вакви слични проекти. Како што наведуваат, реконструирани се спортските терени во населбата Даме Груев со нова тартан подлога, реновиран е спортскиот комплекс „Бранители“ во Волково, изграден е нов фудбалски терен кај стадионот во Ѓорче Петров.

Во претстојниот период, Општината ќе започне со поставување вештачка тревна подлога во училиштата „Страшо Пинџур“ и „Мирче Ацев“.