ВИДЕО | Ново чудо во Турција: 12-годишно дете извадено од урнатините 260 часа по земјотресот
Уште едно чудо се случи во Турција, откако дванаесетгодишно дете беше спасено од урнатините на зграда во Антакија, во провинцијата Хатај, 260 часа по разорните земјотреси што во понеделникот минатата недела ги погодија јужните делови на Турција, јавува Анадолија.
Екипите за пребарување и спасување од под урнатините на зграда во населбата Екинци го извлекоа детето Осман Халебија, странски државјанин.
Тој беше извлечен жив од урнатините 260 часа или речиси 11 дена по разорните земјотреси.
12 yaşındaki Osman Halebiye, ambulansla hastaneye kaldırıldı. pic.twitter.com/wf75oBzqSC
— TRHaber (@trhaber_com) February 16, 2023
По спасувачката акција детето со возило на Итна помош било пренесено во болница.
Анадолија претходно објави дека во провинцијата Караманмараш била извлечена жена (42), која преживеала 257 часа под урнатините.
Според последните податоци, во разорниот земјотрес во Турција загинале 38.044 луѓе