Новак Ѓоковиќ донесе неочекувана одлука! (ФОТО)
За Новак Ѓоковиќ новата сезона ќе започне уште во декември, а со последната одлука најави еден згуснат календар во јануари. Српскиот тенисер, на општо изненадување, ќе учествува на турнирот во Аделејд од категоријата АТП250.
Тој турнир беше згаснат, но повторно се појави во АТП календарот и Ѓоковиќ одлучи да се врати на местото каде што ја освои титулата во 2007. година.
Novak Djokovic to play ATP250 in Adelaide.
— Michal Samulski (@MichalSamulski) December 1, 2019
Оваа информација ја откри познатиот тениски новинар, Мајкл Самулски. Претходно на 20-21 декември ќе игра на егзибициски турнир во Абу Даби, а потоа се „сели“ во Австралија.
Таму од 6-13 јануари, заедно со Душан Лајовиќ, ќе учествува на АТП купот, новоформираното натпреварување на репрезентации, потоа следната недела (13-20 јануари) ќе игра во Аделејд, сето тоа како подготовка пред учеството на првиот грен слем турнир во 2020 година, „Австралија опен“.