Северниот англиски град Јорк во средата му ја одзеде титулата почесен граѓанин на британскиот принц Ендру, војводата од Јорк.

Локалните советници гласале за укинување на титулата доделена во 1987 година на принцот Ендру, вториот син на кралицата Елизабета Втора.

Ендру, кој веќе не ја ужива милоста на британското кралско семејство и британската јавност, во февруари годинава се спогоди со Вирџинија Џуфре, која го обвини дека сексуално ја злоставувал кога била тинејџерка, со што потенцијално се спаси од понатамошен срам.

„Титулата почесен граѓанин на нашиот прекрасен град им се доделува на оние кои го претставуваат најдоброто од Јорк. Веќе е несоодветно принцот Ендру да биде поврзан со нашиот град на кој било начин“, истакна Дерил Смали, градски советник во Јорк.

62-годишниот Ендру се изјасни за невин кога се согласи на вонсудска спогодба и не беше обвинет за кривично дело.

Случајот со Џуфре се занимаваше со пријателството на принцот со покојниот Џефри Епштајн, финансиер и сексуален престапник кого Џуфре исто така го обвини за сексуално злоставување. Епштајн изврши самоубиство во затвор на Менхетен во 2019 година додека го чекаше судењето.

Ендрју ги отфрли обвинувањата дека ја принудил Џуфре на секс кога имала 17 години пред повеќе од две децении во лондонскиот дом на соработничката на Епштајн, Гислејн Максвел, во вилата на Епштајн на Менхетен и на приватниот остров на Епштајн на Американските Девствени Острови.

Во јануари, кралското семејство му ги одзеде на Ендру воените титули и кралското покровителство и објави дека му е забрането да ги користи кралските титули.

Повеќе написи на темата:

Принцот Ендру ја загуби титулата

Која е Вирџинија Џуфре? Злоставуваната Американка поради која принцот Ендру остана без титула

Одбиена молбата на принцот Ендру за прекинување на тужбите за сексуалните напади