Луис Суарез до вчера беше отпишан од Барселона и се подготвуваше за „војна“ со челниците на екипата бидејќи не сака да им ги прости парите од последната година од договорот.

Претседателот на Барселона, Хосеп Марија Бартомеу, одигра аматерски со Суарез, прво го прецрта Уругваецот и тоа му беше соопштено, за потоа да се одлучи да извлече некое евро за него.

Барселона се смири со Меси, но започна нова „војна“ со Суарез

Токму тој потег го разбесни Суарез кој инсистираше да си замине како слободен играч, а доби и такво ветување од Бартомеу, кој одденаш се премисли. Бартомеу бараше минимално обесштетување од Јувентус бидејќи така ќе ја избегнеше обврската да му ја исплати последната плата на Суарез.

Вчера Суарез преку своите адвокати му порача на Бартомеу дека е подготвен за војна и да оди до крај и дека нема намера да се откаже од 15. милиони евра кои му следуваат за последната година од договорот.

Денеска нов пресврт на случајот, тренерот Роналд Куман му порачал на Суарез дека ќе смета на него доколку остане на „Камп Ноу“ и уште еднаш му потврдил дека одлуката тој да биде отпишан не е негова туку на управата.

Каталонскиот новинар Жерар Ромеро, потврди дека Суарез најверојатно утре ќе биде во првиот тим на Барселона на пријателскиот натпревар против Џирона но ова не е никаква гаранција дека „војната“ на релација Бартомеу-Суарез ќе заврши.