Стадо од околу 600 овципарадираше низ центарот на Нирнберг во германската покраина Баварија на пат кон зимските пасишта. Градските власти ги замолија жителите да ги одржуваат улиците проодни за време на минувањеto на стадото и да ги држат кучињата подалеку од овците, пренесува „Јуроњуз“.

Љубопитните минувачи го снимаа настанот со мобилни телефони додека околу 600 животни од стадото на овчарот Томас Гакштетер минуваа низ градот.

Овците беа на пат кон зимскиот сместувачки капацитет западно од Нирнберг, а во текот на летото ова, како и другите стада, беа донесени да пасат на зелените површини на градот за да се одржи тревата уредна.

За време на патувањето од над 10 километри, овците минуваа низ централниот плоштад Хауптмаркт. Преместувањето овци во ноември е традиција во Нирнберг со години.

Нирнберг не е единствениот германски град каде што овците се користат за „косење трева“. Тие исто така пасат на одредени места во Берлин, Потсдам, Аугсбург, Улм и други градови.

„Со пасење во текот на летото, овците обезбедуваат високо ниво на биодиверзитет во многу биотопи во рамките на градските граници и затоа се важни за зачувување на биодиверзитетот“, соопшти градот Нирнберг.

Животните претпочитаат одредени треви како храна и ја обработуваат земјата со копита. Одгледувањето овци во близина на градот е исто така особено привлечно за жителите.

„Затоа пасењето овци во градот треба да се зачува и заштити“, објави градското собрание.