Ниту еден од позитивните патници на македонскиот лет за Финска немал решение за изолација

И Македонци и лица од Косово биле на авионскиот лет од Скопје за Финска со 157 патници, од кои 24 излегле позитивни на доброволното тестирање на аеродромот во Турку. Македонските државјани, не биле во базата на Државниот санитарен и здравствен инспекторат односно немале решенија за изолација дознава Слободен печат од високи извори во Министерството за здравство.

Сите 157 патници кога биле прашани од финските аеродромски власти дали сакаат да направат доброволен тест за Ковид 19 се согласиле на тоа, за разлика од патниците од лет од Романија, кои во поголемиот дел одбиле, а влегле во Финска претходниот ден. Сепак, од летот од Романија, од 65 патници што се согласиле да се тестираат никој не бил позитивен.

Од сите позитивни од македонскиот лет, се очекува да се изолираат дома во Финска, а ако го прекршат правилото за двонеделна изолација ќе бидат однесени во затвор во времетраење од три месеци. Македонските здравствени власти очекуваат информација од амбасадата во Стокхолм за имињата на 24 те позитивни на коронавирус регистрирани при слетувањето на финскиот аеродром.

Прочитајте и...  Јанакиески доби условна казна за „Шамарите во Центар“, а Груевски година ипол затвор

Благодарение на големиот процент на заразени од летот од Скопје, финските власти воведуваат задолжително тестирање за патниците кои ќе влезат на нивна територија од високоризични земји меѓу кои е и Македонија. Од авио компаниите се очекува да ги информираат патниците пред летот дека по слетувањето на финска територија, можно е да бидат селектирани по случаен избор за тест.

Најверојатната причина поради која што 24 позитивни на коронавирус патници се качиле на летот од Скопје за Финска, е тоа што дел од нив само транзитирале низ Македонија. Неофицијално, тие биле асимптоматски и не знаеле дека се носители на коронавирусот.

Ако некој влезе на македонска територија преку копнен граничен премин, а со цел да излезе преку граничен премин за воздушен сообраќај од меѓународниот аеродром Скопје или аеродромот Св. Апостол Павле во Охрид, тогаш потребно е патникот само да покаже електронски авио билет и да потпише дека ќе ја напушти Македонија за три часа.

Прочитајте и...  Здравствените установи во Охрид и одадоа последна почит на почината медицинска сестра (ВИДЕО)

Во меѓувреме, проблем за македонските власти е и тоа што позитивни лица кои треба да се во изолација ја напуштаат земјата и одат дури до Швајцарија и до Австрија. Очигледно е дека граничните власти не се координирани и не добиваат ажурирани информации за тоа кој треба да е во изолација, па некои пациенти успеваат да го поминат граничниот премин инфицирани и да влезат во ЕУ.

Таков е примерот со сопружници од Струмица кои се вратиле од Швајцарија во Македонија и потпишале дека ќе се самоизолираат. Но, една недела подоцна, отишле на гости кај роднини, а едниот од од нив на 23 март преку Деве Баир со автомобил повторно заминал за Швајцарија. За нив казната е 3.000 евра.

Прочитајте и...  Јанакиески: Ме судат за шамари кои не се случија

Триесет и шестгодишен стружанец влегол во земјава со камион на граничниот премин Табановце од Данска, потпишал дека ќе оди во изолација 14 дена, но уште истиот ден на Ќафасан се јавил за излез во Албанија. Не само што излегол туку и истиот ден се вратил повторно во Македонија. За оваа ,,екскурзија” обвинителството предвидело 4.000 евра казна.

Прочитај повеќе

Здравствените установи во Охрид и одадоа последна почит на почината медицинска сестра (ВИДЕО)

Слободен печат

Телефонски измами: Половина од лажните кол центри се сместени во руските затвори

Слободен печат

Брисел ја забранува проституцијата поради коронавирусот

Слободен печат

За 10 минути ќе знаете дали имате ковид-19!

Битиќи: При вработувањето треба да доминираат професионалноста и квалитетот, а не етничката припадност

Слободен печат

Шопинг мол манија и во Македонија

Остави Коментар

Прочитај повеќе

Радев: Бугарија веќе е во криза, но најголема е владината криза

Слободен печат

Јанакиески доби условна казна за „Шамарите во Центар“, а Груевски година ипол затвор

Горан Наумовски

Вицепремиерот Димитров во работна посета на Германија

Слободен печат

Од утре стабилизација на времето, но со пониски утрински температури

Слободен печат

ВО ЖИВО: Oбраќање на Заев и Николовски

Слободен печат

Драма на грчки крузер: 12 членови од посадата заразени од коронавирус, 922 патници не смеат да мрднат од кабините

Марина Дамческа