Неверојатно, по 26 години откриено е дека е наместен историскиот НБА натпревар (ВИДЕО)
Сопственикот на ЛА Кклиперс им наложил на своите кошаркари да не играат со полна сила, за едно од признанијата да отиде во рацете на „Адмиралот“.
Во сезоната 1993/94 во НБА лигата се водеше една од најнезивесните битки за титулата најдобар стрелец. Младиот центар на Орландо меџик, Шекил О`Нил, водеше во трката за титулата најдобар стрелец.
Негов конкурент му беше еден од најдобрите центри во историјата на НБА лигата, „Адмиралот“ Дејвид Робинсон, кој во последниот натпревар од регуларниот дел од сезоната мораше да постигне пет поени повеќе од О`Нил за да го добие признанието за најдобар стрелец.
О`Нил против тогасшниот Њу Џерси нетс постигна 32 поени, додека Робинсон на Лос Анџелес клиперс му даде неверојатни 71 поен и ја понесе титулата за најдобар стрелец во сезоната.
ЛА Клиперс во тоа време беше еден од најславите тимови во лигата иако имаше неколку големи НБА ѕвезди во тимот, но сега се појавија сомнежи дека тој натпревар е наместен и тоа од страна на тогашниот сопственик Доналд Стерлинг.
Wait wait. So Donald Sterling instructed his team to throw the last game of the season and LET David Robinson score 71 to keep the scoring title out west, presumably so he could sell more tickets when the Spurs came to town?
MAN WHAT ?pic.twitter.com/Mw2laqYqHG
— Tom Petrini (@RealTomPetrini) May 18, 2020
Стерлинг во 1981 година го купи клубот за 12.5 милиони долари и од Сан Диего го пресели во Лос Анџелес. Екипата под негово водство немаше големи успеси, но во 2014 година по расистичкиот скандал, Стерлинг беше приморан да го продаде клубот, нов сопственик стана Стив Балмер кој плати неверојатни две милијарди долари.
Имено, Доминик Вилкинс и Рон Харпер кои во сезоната 1993/94 настапуваа за клиперс, открија дека тренерот Боб Вајс им рекол оти добил наредба од врвот дека Робинсон мора да биде најдобар стрелец.
– Боб ни рече: Гледајте луѓе, само да знаете дека почетната петорка мора да ја седнам на клупата по само четири минути игра. Стерлинг сака да го види Дејвид Робинсон како ја добива титулата за најдобар стрелец. Зашто би лажел за вакво нешто – открива Вилкинс.
Рон Харпер изјави дека ја земал опремата и ја напуштил соблекувалната.
– Тоа што го направивме беше е**но срамотно – рече Харпер.
Иако нема никакви други докази, медиумите во САД сметаат дека зборовите на играчи како Вилкинс и Харпер се доволни да се фрли сомнеж во регуларноста на тој натпревар.
На натпреварот против Сан Антонио, стартери на клиперс беа:
Марк Џексон кој одигра 16 минути
Рон Харпер – 20 минути
Доминик Вилкинс – 21 минута
Лој Вот – 25 минути
Елмор Спенсер – 5 минути.
