НЕВЕРОЈАТНО ОТКРИТИЕ: Египетските археолози пронашле 20 саркофази (ФОТО)
Археолозите во близина на градот Луксор пронашле повеќе од 20 дрвени ковчези, пренесува Би-Би-Си.
Саркофазите со се уште видливи живописни бои биле откриени во некрополата Асасиф, сместена кај западниот брег на реката Нил. Тие биле распоредени во два реда, еден над друг.
Египетското министерство за антиквитети го нарече ова откритие „едно од најголемите и најважни“ во последните неколку години.
Повеќето гробници во некрополата Асасиф потекнуваат од доцниот период (664-332 години п.н.е) од антички Египет.
Меѓутоа, таму се наоѓаат и ковчези од раната 18-та династија (1550-1229 п.н.е), кои им припаѓале на познати фараони како Хатшепсут, Аменхотеп Трети и Тутанкамон.
Министерот за антиквитети минатата недела објави дека археолозите откриле античко „индустриско подрачје“ во западната долина на Луксор во која биле сместени „објекти за складирање и чистење на опрема за погреб“.
Министерството ќе објави повеќе детали за ова неверојатно откритие на прес-конференција во сабота.