Исламската Република Иран сакаше да изврши „холокауст“ против Израел и Евреите, изјави премиерот на Израел, Бенјамин Нетанјаху на државната церемонија по повод Денот на сеќавањето на жртвите на Херцелска Гора, пренесува Тајмс оф Израел.

„Режимот на ајатолахот во Иран планираше уште еден холокауст. Се обиде да нè уништи со нуклеарно оружје и илјадници балистички ракети. Да не дејствувавме решително, имињата Натанц, Фордо и Исфахан можеби ќе им се придружеа на Аушвиц, Мајданек и Треблинка – вели Нетанјаху.

Нетанјаху посочи дека тоа не се случило, затоа што заедно со нивниот голем сојузник, Соединетите Американски Држави, однапред ја демонтирале таа машинерија на уништување.

Отстранивме непосредна егзистенцијална закана. Тоа е суштината на оваа кампања – продолжи тој, додавајќи дека со интервенцијата се осигурило дека линијата на живот на еврејскиот народ никогаш нема да биде прекината.