Неформален работен појадок во Брисел на МНР од ЕУ и од Северна Македонија и Албанија

Фото: Слободен печат/ Драган Митрески

Во организација на Грција, денеска во Брисел ќе се одржи неформален работен појадок на шефовите на дипломатиите на земјите членки на Унијата и на Северна Македонија и Албанија, што според грчкото МНР е корисна можност за плоден дијалог и зајакнување на европската перспектива на двете земји, јави дописничката на МИА од Атина.

На брифингот со новинарите во петокот, портпаролот на Министерството за надворешни работи на Грција, Александрос Гениматас рече дека над 18 шефови на дипломатиите од ЕУ го потврдиле присуството, а неформалниот работен појадок ќе има за цел да се зајакне поддршката на европската перспектива на двете земји.

-Ќе биде корисна можност за плоден дијалог и сите присутни да разговараме и да ги изразиме позициите каде се наоѓаме. Присуството, веќе го потврдија над 18 министри за надворешни работи на Унијата, рече Гениматас во петокот.

Од нашето МНР соопштија дека работниот појадок, непосредно пред одржување на Советот за надворешни работи на ЕУ, ќе претставува можност министерот Никола Димитров да ги запознае колегите министри за надворешни работи на земјите членки на ЕУ со последните политички случувања во земјата, со фокус на клучните приоритети поврзани со владеењето на правото, како и имплементацијата на договорите со Грција и Бугарија.

-Воедно ќе го повтори барањето Советот што е можно поскоро да постигне согласност за новата преговарачка методологија и без понатамошно одлагање да ја донесе одлуката за почеток на пристапните преговори со Северна Македонија, соопштија од МНР.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот