Утре, 29 декември, за читателите на дневниот весник „Слободен печат“ подготвивме новогодишен подарок – ЖЕНСКИ КАЛЕНДАР за 2021 година.

Календарот е посветен на жените и на женското здравје, служи како потсетник за важни датуми, значајни настани и здравствени прегледи, содржи датуми на раѓање на важни феминистки, активистки, уметници и научнички од Македонија и светот и датуми важни за феминистичката историја.

Женскиот календар е дел од активностите на неделниот прилог „Женски печат“ насочен кон зголемување на видливоста на жените во нашето општество. Илустрациите на календарот се дело на Калиопи Трпчева.

Дневниот весник „Слободен печат“ е достапен на цела територија на Македонија во најблиската трафика.