Ребека Чуран од Садбери, Канада, се прашувала дали ѝ се причинува кога забележила дека носот и брадата од година во година ѝ се сè поголеми. Ѝ пораснале и рацете, а бројот на чевли со текот на време ѝ се зголемил од 41 на 43.

Била очајна, а секој роденден го поминувала во солзи зашто не можела да си објасни зошто станува сè „понеубава“.

Денес 29-годишната социјална работничка била кај повеќе од 10 доктори, но никој не можел да објасни што ги предизвикува физичките промени кај Ребека.

„Ми поставуваа погрешни дијагнози: граничен дијабетес, генерализирано анксиозно пореметување, депресија и синдром на полицистични јајници“, вели таа.

„Ѝ реков на докторката дека лицето ми се менува, дека сум сè погрда и дека не сфаќам зошто се дебелеам, кога не јадам ништо“, раскажува Ребека.

View this post on Instagram

2004 to 2019 .. clearly I was not meant to have this jaw line but I think I turned out pretty cute still post what I’ve had to go through.. honestly I’ll probably forever be self conscious of my feature now as I don’t expect many to fully reverse but it is what it is unless I get reconstructive surgery. I got it young, I honestly thought this was just the way I was ageing as this process was over 15 years. I felt healthy until a couple months post the middle blonde picture, that’s where my adrenals and thyroid started to fail (misdiagnosed with generalized anxiety disorder and depression). I wish they caught it then to be honest as that is when my life got turned upside down, but hey they’re good now post surgery and am extremely thankful to get a second chance at a healthy life. I’ve been asked why I post so much about my changes, and to be honest.. to give hope to others.. when I was first diagnosed I found nothing but scary google photos. So here you go word wide web here is the real truth and photos that are not of Andre the giant who chose to go untreated for celebrity status #acromegaly #rare #facialrecognition #pituitarytumor #growthhormone

A post shared by Rebecca Churan (@beccachuran) on Oct 17, 2019 at 8:16pm PDT

Кон крајот на март 2019 година докторката ја пратила Ребека на анализа на крвта во која се мерела содржината на факторот на раст ИГФ-1, сличен на инсулинот, а кој го контролира растот на ткивата и на коските во телото. Референтната вредност е меѓу 97 и 297, зависно од староста, а кај Ребека биле измерени запрепастувачки 1015.

Дополнителните тестови покажале дека има бениген тумор на хипофизата, жлезда во мозокот која го ослободува хормонот на растот. Туморот предизвикал ретко пореметување, акромегалија – зголемено лачење на хормонот за раст, поради што органите стануваат абнормално големи.

Врзо основа на фотографиите Ребека Чуран заклучила дека 15 години живеела со тоа пореметување. Во април годинава туморот ѝ бил отстранет низ носот, а за само неколку месеци рацете, стапалата и карактеристиките на лицето ѝ се вратиле до првобитната големина.

Ребека се надева дека нејзината приказна ќе ги охрабри луѓето кои исто така имаат необјасниви симптоми, да побараат одговор.