НБА ги одреди финалистите за МВП наградата, Јокиќ фаворит
Никола Јокиќ, Џоел Ембид и Стеф Кари се кандидати за МВП наградата во регуларниот дел од сезоната, потврди НБА лигата.
Јокиќ се смета за главен фаворит за ова признаение, центарот на Денвер ги одигра сите 72 натпревари во регуларниот дел од сезоната и просечно бележеше по 26.4 поени, 10.8 скокови и 8.3 асистенции по натпревари.
Центарот на Филаделфија сезоната ја заврши со просек од 28.5 поени и 10.6 скокови по натпревар но пропушти добар дел од сезоната поради повреда,
Стеф Кари во дресот на Голден Стејт просечно постигнуваше по 32 поени, 5.5. скокови и 5.8 асистенции.
The three finalists for #KiaMVP… @StephenCurry30, @JoelEmbiid and Nikola Jokic! #NBAAwards pic.twitter.com/6JMh6TPA9n
— NBA (@NBA) May 20, 2021
Во конкуренција за дебитант на годината се Ламело Бол од Шарлот, Ентони Едвардс од Минесота и играчот на Сакраменто Тајриз Халибартон.
Номинирани за најдобар одбранбен играч се Руди Гобер од Јута, Дрејмонд Грин од Голден Стејт и крилото на Филаделфија, Бен Симонс.
Кандидати за наградата играч со најголем напредок се Џереми Грант (Детроит), Мајкл Портер (Денвер) и Џулиус Рендл (Њујорк).
Во најтесниот круг за најдобар шести играч останаа Џордан Кларксон од Јута, Џо Инглс од Јута и Дерик Роуз од Њујорк.
За наградата тренер на годината номинирани се Квин Снајдер од Јута, Том Тибодо од Њујорк и Монти Вилијамс од Феникс.