Убаво е да се победи на квиз кој се емитува на национална телевизија, но ривалството во фудбалот во многу случаи е поважно од парите и славата. Така барем смета Клаус Блумел, кој се натпреваруваше во квизот Потера кој се прикажува на АРД, германска национална телевизија, па случката ја виде цела Германија.

Блумел кој е голем навивач на Борусија Менхенгладбах собираше пати одговорајќи на прашањата, а потоа дојде едно за него лесно прашање.

„Кој клуб стана шампион во втората лига во сеозната 2018/19?“, водителот го прочита прашањето, по што Блумел молчеше и потоа рече „Нема да го изговорам тоа име“.

Gibt wichtigeres als Geld. pic.twitter.com/zVMXR4HJMi

— notna (@ScarlettBMG_) July 23, 2020

Станува збор за екипата на Келн која е најомразен ривал на навивачите на Менхенгладбах.

На крајот Клаус Бумел од квизот си замина побогат за 2.500 евра, но и со статус на легенда помеѓу навивачите на Борусија Менхегладбах.